Është identifikuar e moshuara e cila humbi jetën mesditën e djeshme në Kishën e Shna Ndout në Laç, pasi u rrëzua teksa kryente ritualin fetar.
Viktimë e këtij aksidenti është 74-vjeçarja, Gjela Biba e cila humbi jetën rrugës për në spitalin e Traumës në Tiranë, si pasojë e plagëve të marra në trup.
Burime për median bëjnë me dije se identifikimi i të moshuarës u bë gjatë orëve të mbrëmjes, pasi nuk kishte mjet identifikimi me vete.
Mësohet se viktima ka qenë pjesë e pelegrinazhit, ndërsa humbi jetën pasi u rrëzua aksidentalisht duke rënë disa metra më poshtë në vendin e quajtur ‘shpella e Shna Vlashit’, shumë pranë Kishës.
Shfaq Komentet (0)